KUSZ LESEPROBEN
Dialekte sind Delikatessen. Da wird noch
mit dem Ohr gegessen, - an goudn, gell!
king of koung
iich und kann keeskoung?
schaui su aus
dassi kann keeskoung?
und ob iich enn keeskoung
ä suän keeskoung
wenni scho siich
suän keeskoung
moui hoom
bamm keeskoung
läffdmä es wassä...
ou, mei maul!
dä keeskoung
is dä king
dä "king of koung"
haikus
haikus senn schdreichhölzlä
wemmäs oozind
mäins brennä
drei zeiln
drei zeiln ibern schnäi? aff di erschd fälldä
aff dä zweidn bleibdä liegn
aff dä driddn schmilzdä
däi wolgn
schau nauf däi wambäddn wolgn
anne wambäddä wäi di andä
däi freggä gehm kann rouh bis reengd
aufschwung
aff däi blasdiggdiidn
wou deä sandlä
mid sich rumschlebbd
schdäihd "goldene zeiten"
ihr
wos seid denn
ihr für kerl
saufm dädäned
raung dädäned
schloufm dädäned
fressn dädäned
scheißn dädäned
obbä di goschn
aufreißn
des kenndä
miä
miä könnä si nu su lang
in di aung schauä:
iich siich miich und diich
horch
horch ä amsl!
und du hoggsd dou
und frißd
für oblomow
jedä fouß mid demi
in dä fräih aufschdäih
könnäd dä väkehrde saa
schdernlä
schnäi di ganz nachd
undä di ladern werrn
di schnäifloggn zu schdernlä
lebkoung
deä vollmond ibä
nämberch is aa blouß
ä lebkoung
ziel
deä wech is es ziel
du redsd di leichd:
iich find inn wech ned
Leseprobe in 3 Sprachen? ...
